САНАЛ ХҮСЭЛТ ИЛГЭЭХ
Улаанбаатар хот, Хан-Уул дүүрэг, 15-р хороо, Стадион оргил /17011/, нийслэл хүрээ өргөн чөлөө гудамж 220/1 тоот
© 2024. Бүх эрх хуулиар хамгаалагдсан.МОНГОЛЫН ХӨЛБӨМБӨГИЙН ХОЛБОО
Улаанбаатар хот, Хан-Уул дүүрэг, 15-р хороо, Стадион оргил /17011/, нийслэл хүрээ өргөн чөлөө гудамж 220/1 тоот
Мэдээ, мэдээлэл
2024-07-04 03:22
Тус жил анх удаагаа 21 жилийн ой дээрээ явж буй Булган СП Фалконс аваргын цомыг хүртэж, шинэчлэгдсэн зохион байгуулалтад орсон Хангарьд клуб мөнгөн медалийн эзэд болсон.
Португал улсын мэргэжилтэн Педро Мирандагаар удирдсан Дэрэнгийн залуус хүрэл медалийг тус тус хүртэж энгэрээ мялаагаад байна.
2023/2024 оны улиралд Лигийн нийт 25 тоглолт Төв аймгийн Сэргэлэн сумд байрлах Шигшээ багийн бэлтгэлийн төв Айрдомд зохион байгуулагдсан ба, Ази тивд Лигээ зохион байгуулсан анхны улс болсон онцлогтой байв.
Монголын Дээд Лиг 2023/2024 оны улирал нь Лиг зохион байгуулагдаж эхэлснээс хойших 29 дахь удаагийн Лигийн тэмцээн болж түүхэнд үлдээд байгаа бол сүүлийн 10 жилийн хугацаанд Лиг нь тогтвортой 10 багийн системээр зохион байгуулагджээ.
29 жилийн түүхэн дахь Лигийн дундаж наслалт хамгийн бага буюу 24 нас гэсэн судалгаа гарсан бол, Хангарьд клубийн дасгалжуулагч М.Сэргэлэн, Хоромхон клубийн дасгалжуулагч С.Пүрэвсүх болон Хаан Хүнс - Эрчим клубийн дасгалжуулагч Д.Батнасан нь Лигт хамгийн удаан буюу тус тус 10-аас дээш жил ажилласан үзүүлэлтийг эзэмшиж байна.
Лигт анх удаагаа хоёр эмэгтэй дасгалжуулагчид зэрэг ажилласан (Ц.Энхжин болон Б.Алтанцэцэг) жил байж, хамгийн залуу ахлах дасгалжуулагчаар Брера-Илч багийн дасгалжуулагч С.Буд ажиллав.
Нийт 250 тоглогчоос өөрийн ур чадвар, хувийн техник болон статистик тоон үзүүлэлтээр тэргүүлж, шилдэг хаалгачийг хамгийн олон хаалга хуурай манаж цөөхөн гоол алдсан Булган СП Фалконсын Б.Эрдэнэбат тодорчээ.Шилдэг хамгаалагчаар Бразил улсын легионер Тиаго Томайс тодорсон бол шилдэг хамгаалагчаар Булган СП Фалконс клубийн ахлагч М.Төгөлдөр үзүүлж хувийн үзүүлэлтээр Лигийн бусад тоглогчдоос онцгой үзүүлэлт үзүүлсэн юм, тэрээр 10+ гоол болон 10+ ассист үзүүлсэн цорын ганц тоглогч байжээ.
2023/2024 оны улиралд хоёр дахь удаагаа мэргэн буучдын гоолын харьцаа тэнцэж Хоромхон клубийн Н.Наранболд болон Булган СП Фалконс клубийн довтлогч Владимир Эвэртон тус тус шалгарлаа , тэд нийт Лигийн турш 25 гоолыг оруулсан юм.
2024/2025 оны улирал 08 дугаар сард ахин эхэлнэ !Шинэ улирлаар шинэ зохион байгуулалтын дор эргэн уулзацгаая !
